Llwyddo'n Lleol

Mae Llwyddo’n Lleol yn brosiect arloesol sydd yn helpu pobl ifanc yng Ngogledd Orllewin Cymru i ddatblygu a llwyddo yn eu cymunedau. Mae’n brosiect ar y cyd gyda Chyngor Ynys Môn, Conwy a Dinbych, gyda Chyngor Gwynedd yn arwain. Mae’r prosiect yn gweithio gyda phobl ifanc rhwng 11 i 19 oed sydd yn byw yng Ngwynedd, Môn, Conwy a Dinbych.

Prif nod y rhaglen hon yw annog pobl ifanc i ddatblygu’r sgiliau a’r hyder i fod yn fentrus o fewn cyflogaeth a hunangyflogaeth, ond yn allweddol, i wneud hyn o fewn eu cymunedau lleol. Bydd y prosiect yn:

Mae cyfres o weithgareddau ar gael i bobl ifanc:

Sesiynau Sbarduno Syniadau a Gweinyddu Bwrsariaeth Llwyddo’n Lleol
Mae’r Sesiynau Sbarduno Syniadau yn rhoi cyfle i bobl ifanc sefydlu busnes eu hunain. Mae cyngor a chefnogaeth yn cael ei ddarparu i help pobl ifanc i adnabod syniad busnes, a datblygu cynllun busnes ar gyfer ymgeisio am fwrsariaeth Llwyddo’n Lleol. Mae Bwrsariaeth o hyd at £1,000 ar gael i helpu pobl ifanc dalu am gostau cychwynnol o sefydlu busnes. Bydd y gweithgaredd yma yn cael ei achredu i gymhwyster Lefel 1.

Modiwlau Entrepreneuriaeth
Mae’r Modiwlau Entrepreneuriaeth yn gyfres o unedau sydd wedi ei achredu i gymhwyster Lefel 2. Mae’r modiwlau yn rhoi’r cyfle i bobl ifanc ddatblygu eu dealltwriaeth o fentergarwch, ac i ddatblygu sgiliau menter.

Digwyddiadau Hyrwyddo Sectorau Penodol
Cynhelir cyfres o ddigwyddiadau hyrwyddo sectorau twf penodol yng Ngwynedd er mwyn hyrwyddo’r sectorau twf lleol. Prif nod y digwyddiadau yw codi ymwybyddiaeth pobl ifanc o’r cyfleoedd cyflogaeth a hunangyflogaeth o fewn y sectorau twf isod:

Am ragor o wybodaeth, cysylltwch â Bethan Eluned Jones, Cydlynydd Llwyddo’n Lleol ar llwyddonlleol@gwynedd.gov.uk neu 01286 679674.

Mae’r prosiect wedi cael ei wneud yn bosibl gan Gronfa Gymdeithasol Cydgyfeiriant Ewrop drwy Lywodraeth Cymru.